Um okkur

Tæknivörur er leiðandi fyrirtæki í innflutningi, dreifingu og þjónustu á farsímum, spjaldtölvum og ýmsum öðrum notendabúnaði.

Tæknivörur er heildsala. Viðskiptavinir okkar eru einkum fjarskipta- og upplýsingatæknifyrirtæki sem og sérverslanir með raftæki um allt land. Enda þótt Tæknivörur sinni ekki smásölu til einstaklinga starfrækir fyrirtækið eina viðurkennda þjónustuverkstæði landsins fyrir Samsung snjalltæki þar sem öllum er velkomið að koma með tæki sín til viðgerðar.

Þjónusta við okkar viðskiptavini er lífæð okkar. Við höfum þekkingu, útbúnað, getu og metnað til að veita viðskiptavinum okkar þá þjónustu sem þeir gera kröfu um.

Tæknivörur er traust og öflugt félag með langa reynslu af innflutningi og þjónustu á tæknivörum. CreditInfo tilnefndi Tæknivörur í hóp framúrskarandi fyrirtækja sem efla íslenskt atvinnulíf enda leggjum við allt kapp á heilindi og góða þjónustu.

Umhverfismál, sjálfsagt mál.

Tæknivörur leggja áherslu á að ganga vel um umhverfið og að stuðla að sjálfbærni í hvívetna. Þess vegna minnum við viðskiptavini góðfúslega á að rafhlöður og rafgeymar eru spilliefni og mega ekki fara í almennt sorp. Hjálpumst öll að við að flokka og skila og drögum þannig úr ofnýtingu auðlinda.

Þú mátt skila rafhlöðum í símum og öðrum snjalltækjum til okkar að Víkurhvarfi 4, Kópavogi. Einnig er hægt að skila rafhlöðum og rafgeymum til móttökustöðva sveitarfélaga eða spilliefnamóttöku og það kostar þig ekki neitt.

© Copyright - Tæknivörur